Reuters: АҚШ Сурия мухолифатига ҳарбий ёрдамни тўхтатди

Фото: wjs

Америка Қўшма Штатлари Сурия Араб республикасининг шимоли-ғарбидаги мухолифат кучларига берилаётган ҳарбий ёрдамни тўхтатди. Ҳарбий кўмак дастурини МРБ мувофиқлаштириб келаётган эди, деб хабар қилмоқда Reuters агентлиги мухолифат сафидаги қатор манбаларига асосланган ҳолда.

Дастур январь ойида экстремистларнинг ҳужумидан сўнг тўхтатилган эди. Мухолифат қайта ташкил этилгач дастур ижроси тикланади, деган мухолифат вакиллари.

Америкалик расмий манбанинг Reuters агентлигига маълум қилишича, Сурия мухолифатига ёрдамнинг тўхтатилиши АҚШ раҳбариятининг ўзгариши ва ҳокимият тепасига президент Дональд Трамп келиши билан боғлиқ эмас. Манба, шунингдек, бундай кескин қарорга экстремистлар томонидан ҳужум уюштирилгани сабаб бўлганини тасдиқлаган.

Тайёрлаган: Толиб Раҳматов

#АҚШ #Сурия #мухолифат