Фото: NASA/JPL/University of Arizona
НАСА ходимлари Марснинг туб тоғ жинсларини кўришга имкон берувчи унинг сирти суратини чоп этишди.
Олимлар суратга изоҳда Қизил сайёра асосан майда ўлчамли жинслар билан қопланганини, бу жинслар тагида эса туб жинслар яширинганини таъкидлаб ўтдилар. Суратда фақатгина қисман қум тепалар билан қопланган туб жинсларнинг қизғиш қатламларини кўриш мумкин.
Тасвир High Resolution Imaging Science Experiment (HiRISE) камераси ёрдамида олинган. Ушбу камера Mars Reconnaissance Orbiter коинот қурилмаси бортига ўрнатилган. Қурилма Марс сиртидан 300 км баландликда жойлашган.
HiRISE’нинг твиттердаги расмий аккаунтида олимлар Марснинг "юрагини" тасвирга олишга муваффақ бўлишганини таъкидлаб ўтганлар.
