15 ёшли ўсмир 10 ёшли қизни бировнинг автомобилида уриб кетди

Ямало-Ненец автоном округининг Нида Надимский туманидаги қишлоқда 15 ёшли ўсмир машинада "сайр қилиш"га қарор қилди ва 10 ёшли қизчани уриб юборди. Бу ҳақида туман транспорт полициясига асосланиб, "Ura.ru" хабар берди. 

Идора маълумотларига кўра, воқеа 12 март куни содир бўлган. Ўсмир ВАЗ-2107 автомобилини бошқараётган бўлган. У бошқарувни уддалай олмай, йўл четида кетаётган мактаб ўқувчисини уриб юборган. 

Натижада қизча жароҳатлар ва мия чайқалиши гумони билан шифохонага жойлаштирилган. Ҳозирда полиция автомобиль эгаси шахси ва қандай қилиб вояга етмаган ўсмирнинг мазкур автомобиль рулига ўтиргани борасидаги тафсилотларга аниқлик киритмоқда.