АҚШнинг Шимолий Каролина штатилик 10 ойлик Доусон Шулли 2016 йилнинг майида туғма цитомегаловирус билан дунёга келган, яъни чақалоқ биринчи кунлариданоқ ҳеч нимани эшитмаган.
Бироқ жорий йилда бола ўз ҳаётидаги биринчи қулоқ аппаратини олди – ҳамда жимжитлик аста-секин чекинди.
Интернет тармоғида тарқаган кадрларда бола атрофидаги товушларни хотиржам тарзда тинглаётгани, аммо онаси уни исмини айтиб чақираётганини эшитган заҳоти йиғлаб юбориши тасвирланган.
