Туркия жануби-шарқида портлаш рўй берди

Фото: Reuters

Туркиянинг Диёрбакир шаҳрида кучли портлаш рўй берди. Бу ҳақда Haberturk нашри хабар бермоқда.

Маълумотларга кўра, камида ўн киши жароҳат олди, бир инсон ҳалок бўлган. Ҳодиса жойига тез тиббий ёрдам автомобиллари етиб борган.

Портлаш полициянинг махсус топшириқли гуруҳи штаби ёнида рўй берган. У зирҳли техникадаги техник носозлик натижасида содир бўлган бўлиши мумкин. "Интерфакс"нинг мамлакат мудофаа вазирлигидаги манбага асосан хабар беришича эса, бу ҳолатда теракт рўй бермаган бўлиши мумкин.

"Теракт эҳтимоли жуда паст. Афтидан, портлашга зирҳли машинани таъминлаш вақтида техника хавфсизлигига риоя этилмаслиги сабаб бўлган", - дея айтиб ўтди манба. Туркия ИИВ раҳбари Сулаймон Сойлу эса портлаш теракт эмаслигини маълум қилди.