Хитойда автомобиллар сони 200 миллион донага етди

Хитойда расман рўйхатга олинган автомобиллар сони 200 миллион донага етди. Бу ҳақда ХХР жамоат хавфсизлиги вазирлиги хабарида сўз юритилган. 

Шу билан бирга, вазирликка кўра, моторли транспорт воситаларининг умумий сони 300 млн донага етган. 2017 йил биринчи чорагида 8,2 миллионта янги моторли транспорт воситаси рўйхатга олинган. 

Бундан ташқари, мотоциклларни ҳам қўшиб ҳисоблаганда транспорт воситасига эга кишилар сони 364 миллион кишига етди. Шундан 320 млн киши автомобиль ҳайдовчиларидир. Биринчи чоракда ўсиш 7,4 миллион кишини ташкил этган.

2015 йил якунларига кўра, рўйхатдан ўтган жами транспорт воситалари эгаларининг сони 279 миллион кишини ташкил этган эди. Уларнинг 172 миллиони автомобиль эгалари ҳисобланарди.