Парижда Макрон ғалабасидан кейин норозилик намойишлари бошланди

Фото: Reuters

Парижда бир неча минг киши Республика майдонига президентлик сайловларида Эммануэль Макрон ғолиб бўлганига қарши норозилик билдириб чиқдилар. Бу ҳақда L'Express ва BFM TV нашрлари хабар бермоқда.

Намойишчиларнинг фикрича, Макроннинг ҳокимиятга келиши ижтимоий таназзул ва меҳнат кодексининг инқирозини англатади.

Le Figaro маълумотларига кўра, 7 май куни ижтимоий тармоқларда норозилик билдиришга чорловлар пайдо бўлган. Уларни асосан "аксилкапиталистлар" ва "аксилфашистлар" тарқатганлар. Нашрнинг полициядаги манбасининг маълум қилишича, намойишчилар мактаблардан бирининг ойнасини синдиришган. Қора кийимда бўлган одамлар "Барча полицияни ёмон кўради" деб ҳайқириб, полициячиларга қўлбола снарядлар улоқтиришган. Таъкидланишича, полиция уларга қарши кўзни ачиштирувчи газ қўллаган.

France info нашри маълумотларига кўра, тартибсизликлар оқибатида 6 полициячи ва 3 нафар намойишчи яраланган, 143 киши ҳибсга олинган.

Le Monde нашри мухбирининг маълум қилишича, намойишчиларнинг ўртача ёши 30 ёшдан каттароқни ташкил қилган.

Тайёрлаган: Шуҳрат Раҳимов

#норозилик #Париж #намойишлар

11 нафар номзод Елисей саройи учун кураш олиб бормоқда. Франция конституциясига мувофиқ, биринчи турдан сўнг икки номзод қолади. Улар сайловнинг якуний босқичида иштирок этади. Иккинчи тур 7 май куни бўлиб ўтади.