Франция бош вазири ва ҳукумати истеъфога кетди

Фото: Fotolia / fanfan

Франция президенти Франсуа Олланд Эммануэль Макроннинг президентлик ваколатларини бажаришга киришиши арафасида 10 май куни мамлакат бош вазири Бернар Казнев ва у бошчилигидаги вазирлар маҳкамаси истеъфосини қабул қилди.

Шунингдек, 10 май куни мамлакат конституциявий кенгаши Францияда ўтган сайловлар натижаларини тасдиқлади.

"Конституциявий кенгаш президентлик сайловларидаги расмий натижаларни эълон қилгани муносабати билан ва республика анъанасига кўра, мен ўз истеъфоим ва ҳукуматимнинг истеъфосини маълум қиламан", деб мурожаат қилган Казнев Олландга.

Олланд ўз навбатида истеъфони қабул қилди. У ўз ваколатларини Макронга 14 май куни топширади.