«Челси» клуби ҳимоячиси Жон Терри Лондон клуби сафида АПЛда ғолиб бўлди ва шу тариқа мусобақа тарихида совринни бешинчи бор қўлга киритган илк жамоа сардорига айланди.
Англия Премьер-лигаси 1992 йилда таъсис этилган. Ўшандан бери Терри «Челси» таркибида 2004/05, 2005/06, 2009/10, 2014/15 ва 2016/17 йилги мавсумларда чемпион бўлган.
Аввалги рекорд «Манчестер Юнайтед» ярим ҳимоячиси Рой Кинга тегишли эди. У «МЮ»га 1997 йилда сардор бўлган ва совринни тўрт бор - 1998/99, 1999/2000, 2000/01, 2002/03 йилги мавсумларда ютиб олган.