Президент ва биринчи хонимнинг Хитой сафаридан норасмий суратлар

Фото: Қирғизистон президенти матбуот хизмати

Ўзбекистон президенти Шавкат Мирзиёев ҳамда президентнинг рафиқаси, мамлакат биринчи хоними Зироатхон Мирзиёева 11-15 май кунлари давомида Хитой пойтахтида бўлди.

Президент Хитой раҳбари Си Жинпингнинг таклифига биноан 11-13 май кунлари ушбу давлатга давлат ташрифини амалга оширди, 14-15 май кунлари эса Пекинда 29 давлат раҳбарлари қаторида «Бир макон, бир йўл» иқтисодий форумида қатнашди.

Қуйида Шавкат Мирзиёевнинг форум доирасида Россия президенти Владимир Путин, Қозоғистон президенти Нурсултон Назарбоев ҳамда Қирғизистон раҳбари Алмазбек Атамбаев билан учрашувлари фотосуратлари келтирилган.

Форум ўтаётган вақтда иштирокчи давлат раҳбарларининг турмуш ўртоқлари мезбон давлатнинг биринчи хоними Пэн Лиюань таклифи билан Пекинда жойлашган дунёдаги энг катта сарой комплекси — Ёпиқ шаҳарда бўлишди. Меҳмонларга сарой-музей тарихи ҳақида ҳикоя қилинди, улар қадимий осори-атиқаларни кўздан кечиришди.