Бокс бўйича собиқ жаҳон чемпиони автоҳалокатда вафот этди

Мексикалик боксчи Давид Санчес ўз укаси билан ЙТҲ натижасида ҳалок бўлди. Бу ҳақда Мексиканинг Эрмосильо шаҳри ҳокимиятининг Twitter’даги саҳифасида хабар берилди.

Ҳодиса спортчининг она шаҳри – Сонореда юз берди. Машинада Давид билан бирга унинг укаси Жонатан Санчес ҳам бўлган, у ҳам ҳалок бўлди.

Санчес WBA йўналиши бўйича иккинчи энг енгил вазн тоифасида “вақтинчалик” жаҳон чемпиони камарига эгалик қилган (2014 йилнинг январидан 2015 йилнинг сентябрига қадар).

Шундан сўнг у енгил вазн тоифасига ўтиб, тўртта жангда иштирок этди. Санчес сўнгги бор рингга 2017 йилнинг апрелида чиқди. Мексикалик Викториано Нуньес билан ғолиблик учун баҳс олиб борди. Жангда Давид устун келган.