Қўшимча функционаллар
-
Тунги кўриниш
Мельбурн аэропорти фавқулодда ҳолат туфайли вақтинчалик ёпилди
Фото: ladbible.com
Мельбурн халқаро аэропорти вақтинчалик ўз фаолиятини тўхтатди. Бортида фавқулодда ҳолат юз берган лайнер шошилинч аэропортга қайтди. Daily Mirror шу ҳақида хабар берди.
Манбага кўра, Мельбурн-Куала-Лумпур рейсини амалга ошираётган Malaysia Airlines авиакомпаниясининг Airbus A330 лайнери парвоздан бир неча дақиқа ўтгач, аэропортга қайтиб қўнган. Бунга учувчилар кабинасига киришга уринган йўловчи сабаб бўлган. Нашрда таъкидланишича, йўловчи бомба ҳақида гапирган, унинг қўлида "электрон қурилма" бўлган.
У бошқа йўловчилар томонидан тўхтатиб қолинган, самолёт аэропортга қўнгандан кейин эса қонунбузар полицияга топширилган.
Авиакомпанияда самолёт бортида рўй берган фавқулодда ҳолат тасдиқланган. "Йўловчи учувчилар кабинасига киришга уринди, борт Мельбурнга қайтди. Қонунбузар аэропортнинг хавфсизлик ходимларига топширилди", - дейилади Malaysia Airlines'нинг расмий баёнотида. Рўй берган воқеа юзасидан тергов йўлга қўйилган.
Австралиянинг 9news телеканалида хабар берилишича, Мельбурнга парвоз қилаётган барча самолётлар бошқа аэропортларга йўналтирилмоқда.
Мавзуга оид
23:08 / 03.12.2025
Малайзия MH370 рейси йўқолганидан 10 йил ўтиб, уни қидирув ишларини яна давом эттиради
09:29 / 06.11.2025
АҚШда UPS самолёти ҳалокати қурбонлари сони 12 нафарга етди
19:03 / 29.10.2025
NASA шовқинсиз ва товушдан тез учувчи самолётининг илк синов парвозини ўтказди
07:42 / 14.10.2025