Обамеянг «ПСЖ»га ўтмоқда

Фото: Yahoo Sport

«Боруссия» Дортмунд ҳужумчиси Пьер-Эмерик Обамеянг фаолиятини Франция чемпионатида давом эттиради. Бу ҳақда Yahoo! Sport France нашри хабар тарқатди.

Манба берган маълумотга кўра, «ПСЖ» «Боруссия» билан габонлик футболчи трансфери борасида келишувга эришган. Ҳозир ҳал бўлмаган ягона масала бу Обамеянгнинг шахсий шартнома борасида баъзи жиҳатлар бўлиб қолмоқда. Шартноманинг асосий шартлари ҳам аниқ бўлиб улгурган.

Футболчининг трансфери 70 миллион еврога баҳоланмоқда. Агар бу трансфер амалга ошса, Франция клуби тарихидаги рекорд трансферга айланади. Ҳозирча Анхел Ди Мария ва Эдинсон Кавани трансферлари (63 млн. евро) жамоа учун рекорд бўлиб қолмоқда.

Обамеянгнинг «ПСЖ»даги йиллик маоши миқдори 10 миллион еврони ташкил қилади. Шартнома имзолаш учун футболчига тўланадиган бонуси миқдори 6 миллион еврога тенг бўлади.

Эслатиб ўтамиз, олдинроқ, Обамеянгнинг ўзи «Боруссия» раҳбариятига жамоани тарк этиш нияти борлигини маълум қилганди.