Фото: Reuters
Япониянинг SoftBank Group Corp холдинги икки роботлар ишлаб чиқарувчиси Boston Dynamics ва Shaft’ни харид қилишга келишиб олди. Бу ҳақда компания хабарида айтилади.
«Ахборот инқилобининг кейинги босқичида ақлли робототехника муҳим драйверга айланади», - дея маълум қилди SoftBank Group раиси Масаеси Сон.
Boston Dynamics бош директори ва асосчиси Марк Райбертнинг айтишича, унинг компанияси SoftBank позициясини тўла қўллаб-қувватлайди.
Келишув тафсилотларига ойдинлик киритилмаган.
Ўтган йили Apple SoftBank’га 1 млрд. доллар сармоя киритишни режалаштираётгани ҳақида маълумотлар пайдо бўлганди.
