Шоҳжаҳон Эргашев ўнинчи рақибини ҳам нокаутга учратди

Бугун ўзбекистонлик боксчи Шоҳжаҳон Эргашев профессионал боксдаги ўзининг ўнинчи жангини ўтказди.

«Проспект» бокс кечасининг марказий жангида у тожикистонлик Сунатилло Раҳматуллаевга қарши рингга чиқди ва 1-раунднинг ўзидаёқ рақибини нокаут қилишга эришди.

Шу тариқа Шоҳжаҳон профессионал боксдаги 10та жангининг барчасини нокаут билан якунлади.

Унинг ўнинчи жанги чемпионлик камари йўлида америкалик боксчига қарши кечиши керак эди. Бироқ 10 июнга бир неча кун қолганида рақиб ҳам, жанг мақоми ҳам ўзгарди. Шоҳжаҳон Эргашев кеча рейтинг жангини ўтказди.