Путин ўзининг ғалати одати ҳақида гапириб берди

Фото: РИА Новости

Россия президенти Владимир Путин, тўғридан-тўғри мулоқот давомида оиласи қандай яшагани ҳақида гапирар экан, болалигидан чироқни ёқилган ҳолда қолдирмаслик одати сақланиб қолганини тан олди.

“Яқинда ҳамкасбларимга оилам қандай яшагани, отам ҳисоблаш қурилмасига доимий қараб келгани, электр қуввати учун вақтида ва тўла ҳажмда пул тўлаш учун ҳар бир тийинни ҳисоблагани ҳақида айтиб бердим. Менда ҳалигача бу борада одат қолган – мен чироқни ёқилган ҳолда қолдира олмайман. Чиқиб кетишимдан аввал, ҳар доим чироқни ўчираман”, - дея айтиб ўтди Россия президенти.

Тайёрлаган: Отабек Матназаров

#Россия #Владимир Путин #одат