Сомалида жангарилар меҳмонхона ресторанига ҳужум қилишди

Фото: Reuters

Сомали пойтахти Могадишода қуролланган жангарилар "Пицца хаус" ресторанига бостириб кириб, у ерда 20 дан ортиқ одамни гаровда ушлаб туришибди. Полиция гаровдаги одамларнинг қанчаси тириклигини билмаслигини маълум қилган.

Reuters ахборот агентлиги маълумотларига кўра, 14 июнда террорчи-худкуш миналаштирилган автомобилда меҳмонхонага бостириб кирган. Сўнгра унинг ортидан бошқа жангарилар меҳмонхона ресторанига ҳужум қилиб, у ердаги одамларни гаровга олишган.

Воқеа жойида тез тиббий ёрдам машиналари ва Сомали хавфсизлик кучлари навбатчилик қилмоқда.

Ҳукумат жангарилар ҳужуми оқибатида айни вақтда 9 киши ҳалок бўлгани, қурбонлар асосан меҳмонхона ходималари эканлигини тасдиқлаган. Ҳужум учун жавобгарликни мамлакатда ҳаракат филувчи "Аш-Шабоб" террорчилик гуруҳи ўз зиммасига олган.

Тайёрлаган: Шуҳрат Раҳимов

#ресторан #жангарилар #Сомали #Аш-Шабоб