Кобулда жангарилар америкаликни ўғирлашди

Афғонистон пойтахти Кобул шаҳрида қуролланган шахслар АҚШ фуқаросини ўғирлашган. Бу ҳақда Khaama Press хабар тарқатди.

Ушбу ҳодиса Карт-э-Чар туманидаги полиция округи яқинида рўй берган.

Тахмин қилинишича, америкалик Афғонистон қишлоқ хўжалиги вазирлиги ва Жаҳон банки ҳамкорлигидаги лойиҳада ишлаган.

Ҳозирча америкаликни қайси гуруҳ жангарилари ўғирлаб кетгани маълум эмас.

Бундан аввалроқ Афғонистонда икки нафар покистонлик дипломат изсиз йўқолгани ҳақида хабар берилганди.