2016 йилда ўзбек автомобиллари дунёнинг неча давлатига экспорт қилинди? 

GM Uzbekistan 2016 йилда ўз маҳсулотини жаҳоннинг 26 давлатига экспорт қилди. Компаниянинг Facebook’даги саҳифасида 2016 йилдаги автомобиллар етказиб бериш географияси тақдим этилган.

Жумладан, экспорт МДҲнинг барча мамлакатлари – Россия, Украина, Беларусь, Молдова, Арманистон, Озарбойжон, Грузия, Қозоғистон, Қирғизистон, Тожикистон ва Туркманистонга амалга оширилган.

Осиёда – Афғонистон, Ироқ, БАА, Иордания ва Ливанга.

Африкада – Сомали, Мадагаскар, Ливия, Сенегал, Тунис, Кабо-Верде, Кот'д Ивуар, Гана, ЖАР ва Нигерияга.

GM Uzbekistan экспорт ҳажмига ойдинлик киритмаган.