Трамп ва Порошенко Оқ уйда учрашдилар

АҚШ президенти Дональд Трамп Украина президенти Пётр Порошенко билан 20 июнда Оқ уйда учрашди.

Украиналик дипломатларнинг айтишича, учрашув 20 дақиқадан кўпроқ давом этган. Учрашувда, шунингдек, Украинанинг АҚШдаги элчиси Валерий Чалий, Украина ташқи ишлар вазири Павел Климкин, АҚШнинг Украинадаги элчиси Мила Йованович, АҚШ вице-президенти Майкл Пенс иштирок этган.

Хорижий ОАВнинг маълум қилишича, учрашув тўлиқ форматли бўлмаганига, Порошенко қизил гиламсиз кутиб олинганига қарамасдан, унга "Россияга қарши санкциялар кенгайтирилиши тарзидаги совға" ҳозирланди.

Трамп Порошенко билан учрашиш у учун шарафлигини ва Украина билан муносабатларда "сезиларли тараққиётга эришилганини" қайд қилиб ўтган.

Порошенко кейинроқ Трамп билан бўлиб ўтган музокараларни "тўлақонли ва батафсил" деб атади. "Дональд Трамп билан тўлақонли, жуда батафсил учрашув бўлиб ўтди", деб айтган Порошенко. У "АҚШ томондан қатъий қўллаб-қувватлов олганини" таъкидлаб ўтган.