Германия Европа чемпионати финалида Испанияни мағлуб этди

U-21 Германия терма жамоаси ёшлар ўртасидаги Европа чемпионати 2017 финалида Испанияни мағлуб этди. Учрашув Краковдаги «Юзеф Пилсудски — Краковия» стадионида бўлиб ўтди ҳамда немислар фойдасига 1:0 ҳисобида якуланди.

Йереми Тольян 40-дақиқада Митчелл-Элия Вайзерга тўп узатди, у боши билан узоқ тўққизликка тўпни аниқ жойлади.

Германия терма жамоаси Европа U21 чемпионатида ўз тарихида иккинчи бор ғалаба қозонди. Бунга қадар немислар 2009 йилда зафар қучишганди. Совринлар сони бўйича Италия термаси рекордчи саналади, ушбу терма ёшлар ўртасидаги Еврода 5 маротаба ғалаба қозонган.