Паспорт тизими қоидаларини бузиш санкциялари ўзгарди

Ўзбекистон Республикасининг 2017 йил 13 июнь кунидаги “Ўзбекистон Республикасининг айрим қонун ҳужжатларига ўзгартириш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш тўғрисида”ги ЎРҚ-436 сонли Қонуни талабларига мувофиқ, Маъмурий жавобгарлик тўғрисидаги кодекснинг 223-моддаси биринчи қисмининг санкциясидаги “уч баравари миқдорида” деган сўзлар “иккидан бир қисмидан уч бараваригача миқдорда” деган сўзлар билан алмаштирилганлиги сабабли, паспорт тизими қоидаларини бузган шахслар юзасидан ундириладиган жарима миқдорлари ушбу қонун талаблари асосида амалга оширилиши маълум қилинди. Бу ҳақида ИИББ сайтида хабар берилди.

Паспорт тизими қоидаларини такрорий бузганлик учун жорий қилинган санкциялар эса ўзгармаган, у 5 та энг кам иш ҳақи миқдоридаги жаримани кўзда тутади.