G20 саммитидаги тартибсизликлардан кўрилган зарар ҳисоблаб чиқилди

Фото: Reuters

Германия суғуртачилари иттифоқи (GDV) Ҳамбургда ташкил этилган "катта йигирмалик" давлат раҳбарларининг саммити давомида бўлиб ўтган тартибсизликлар келтирган зарарни эълон қилди. У 12 млн еврога баҳоланмоқда, деб ёзмоқда Bild нашри.

Унга кўра, бу маблағнинг 1/3 қисми автомобиллар эгалари кўрган зарарни қоплашга сарфланади. Саммит вақтида радикал кайфиятдаги намойишчилар автомобилларни ёқиб юборишган, ойна ва чироқларини синдиришган эди. Бинолар, дўконлар ва қаҳвахоналарга етказилган зарар тахминан 8 млн евро деб баҳоланмоқда.

Ҳамбургдаги саммит чоғида ўтказилган намойишлар чоғида 300 га яқин киши ушланган, 500 га яқин полициячи жабрланган.