Шаҳар ҳокими лавозимини эгаллаган мушук ҳаётдан кўз юмди 

Аляскадаги Талкитна шаҳрида ҳоким лавозимини эгаллаган Стаббс лақабли мушук 20 ёшида ҳаётдан кўз юмди. Бу ҳақда New York Daily News ёзмоқда.

1998 йилда Стаббс 900 кишидан иборат бўлган шаҳарчанинг ҳокимига айланди. Шуниси эътиборлики, Талкитнада инсон-ҳоким йўқ. Ҳаётдан кўз юмган мушукнинг эгалари Стаббс билан бир том остида яшаган мушукчани ҳоким лавозимига тавсия этишган.

2013 йилда Стаббс “суиқасд”дан сўнг шифохонага тушди – шаҳар маъмурияти раҳбарига ит ҳужум қилган. Мушук жиддий жароҳатлар олди.

Ҳайвон сайловлар натижасига кўра шаҳар раҳбари лавозимини эгаллаган. Талкитна шаҳрида расмий маъмуриятнинг ўзи йўқ: у жамоалар ўртасидаги ҳудуд саналиб, биронта муниципалитет таркибига кирмайди.