Афғонистонда икки америкалик ҳарбий ҳалок бўлди

Фото: EPA

Афғонистон жаубидаги Қандаҳор вилоятида НАТО кучлари карвонига қаратилган теракт оқибатида икки америкалик ҳарбий ҳалок бўлди.

Террорчи-худкуш томондан амалга оширилган теракт учун жавобгарликни толиблар ўз зиммасига олган. Ҳарбийларнинг ўлими Пентагон томондан расман тасдиқланган, бошқа маълумот берилмаган.

Аввалроқ АҚШ президенти Дональд Трамп америкалик генераллар билан учрашув вақтида Афғонистондаги вазият юзасидан ўзининг жуда ғазабланаётганини яшира олмаганди. У ҳаттоки Афғонистондаги АҚШ ва НАТО кучлари қўмондони генерал Жон Николсонни алмаштиришни таклиф қилганди.

Тайёрлаган: Шуҳрат Раҳимов

#теракт #Афғонистон #америкалик ҳарбийлар