Жорий йилнинг 29 июль куни Юнусобод туман ИИБ ҲПБ профилактика инспекторлари фоҳишахона сақлаган шахс қўлга олинди. Бу ҳақда Кун.uz’га ИИВ Ҳуқуқбузарликлар профилактикаси бош бошқармаси хабар берди.
Юнусобод туманида 29 июль куни соат 18.00 да, ТашГрес 4да ижара шартномаси асосида яшаб келаётган, 1987 йилда туғилган Сурхондарё вилояти, Денов туманида яшовчи Б.Г. ушбу манзилда, 50.000 сўм пул эвазига, 1992 йилда туғилган ТашГрес даҳасида яшовчи К.Ё. ва 1997 йилда туғилган Тошкент вилояти, Чирчиқ шаҳрида яшовчи А.Г.ларга жинсий алоқа қилиш учун шароит яратиб берганлиги аниқланган. Далилий ашё сифатида 50.000 сўм пул олинган.
Юнусобод туман ИИБ томонидан фуқаро Б.Г.га нисбатан Ўзбекистон Республикаси ЖКнинг 131-моддаси 1-қисми билан жиноят иши қўзғатилган.
