Саакашвили Украинага қонуний йўл билан қайтмоқчи

Гуржистоннинг собиқ президенти, Одесса вилоятининг собиқ губернатори Михаил Саакашвили Украинага ноқонуний йўл билан қайтмоқчи эмас. У бу ҳақда 6 август куни Варшава шаҳрида журналист билан учрашуви чоғида айтиб ўтган.

«Мен ҳар доим ҳам саёҳатда қулайликларга эга бўлмайман. Лекин, саёҳатга чиқиш учун машина юкхонаси таъбимга тўғри келмайди», - дея таъкидлаган у.

Бу билан Саакашвили Украина чегарасини белгиланган тартибга риоя қилган ҳолда кесиб ўтишига шаъма қилмоқда.

Сиёсатчи айни пайтда қонунчилик базасини ўрганиб чиқмоқда ва тайёр бўлганида Украинага қайтади. «Ҳукумат миллионлаб украинларнинг фикрини инкор эта олмайди», - деган собиқ губернатор.

«Мен Украина Европанинг энг кучли суперқудратли давлатларидан бири бўлиб қолишини хоҳлайман ва бу жараёнда иштирок этаман», - деб фикр билдиради Саакашвили. У Польшани душанба куни тарк этиши режалаштирган бўлиб, кейинги манзили қаер бўлиши номаълум. Эслатиб ўтамиз, Украинада унинг фуқаролиги бекор қилинган ва Грузияда ҳам бир неча жиноятлар учун унга нисбатан қидирув эълон қилинган.