Ўзбекистон ва Қирғизистон ўртасидаги товар айланмаси 2017 йил 1-чораги якунларига кўра ўтган йилнинг шу даврига нисбатан 1,8 маротабага ошган. Бу ҳақда икки томонлама ҳамкорлик, чегараларни делимитация ва демаркациялаш бўйича ҳуқуматлараро комиссия йиғилишида Қирғизистон бош вазири Сооронбай Жээнбеков маълум қилди.
Унинг айтишича, Қирғизистон Ўзбекистондан минерал ресурслар, пахта хом ашёси, автомобиллар, тиббиёт буюмлари ва дори-дармонллар импорт қилишга тайёр. “Ўз навбатида Қирғизистон озиқ-овқат ва қайта ишловчи саноат, гўшт-сут, тўқимачилик маҳсулотлари ва бошқа товарларни экспорт қилишга тайёр”, деб айтган Жээнбеков.
Жээнбековнинг айтишича, савдо-иқтисодий режаларни амалга ошириш учун мавжуд тўсиқлар ва чекловларни олиш бўйича фаол ишлар зарур. Бош вазирнинг таъкидлашича, Қирғизистоннинг автомобиль, ҳаво ва темир йўл алоқаси, сайёҳликни ривожлантиришдан манфаатдор.
