NYT: АҚШдаги "Ҳарви" тўфони қурбонлари сони 30 кишига етди

Американинг Техас штатига ёпирилган "Ҳарви" тропик тўфони қурбонлари сони 30 кишига етди. Бу ҳақда The New York Times нашри ёзмоқда.

Нашр маҳаллий ҳукумат вакилларидан олинган хабарга асосланмоқда. АҚШнинг бошқа нашрлари бу борада турли фикрларни билдирмоқда. Бироқ уларнинг аксарияти 10 дан ортиқ киши ҳалок бўлгани ҳақида ёзмоқда. Ҳукумат эса расман табиий офат қурбонларининг аниқ сонини айтишга қийналмоқда. 

Маълумки, "Ҳарви" сўнгги 12 йилдаги энг кучли тўфон ҳисобланмоқда. 

БМТ бош котиби Антониу Гуттериш шу муносабат билан АҚШ ҳукумати ва "Ҳарви"дан ҳалок бўлганларнинг яқинларига ҳамдардлик билдирди. 

"Бош котиб "Ҳарви"нинг Техас штатига етказган талофатларини жиддий ташвиш билан кузатмоқда. У инсонлар ҳалок бўлганидан афсусда ҳамда АҚШ ҳукумати ва халқига ўз ҳамдардлигини билдиради. Бош котиб жабрланганларга тезроқ соғайиб кетишни тилайди", - дея БМТ бош котиби сўзларини келтиради унинг расмий вакили Стефан Дюжаррик.