Ироқда электростанцияга ҳужум уюштирилди

Ироқнинг Самарра шаҳридаги электростанцияда худкушлар портлашни амалга оширди. Ҳодиса оқибатида етти киши ҳалок бўлди, яна саккиз инсон жабрланди.

Бу ҳақда Associated Press хабар бермоқда.

Ироқ армияси генерали Яҳё Расулнинг маълум қилишича, жиноятчилар уч киши бўлган: иккиси станция ҳудудига ишчи, бир нафари эса қўриқчи сифатида кириб олган. Энергетика вазирлигида тўрт киши ҳужум қилгани ҳақида хабар беришди, улардан бир нафари йўқ қилинган, қолган уч шахс ўзини ўзи портлатган.

Таъкидланишича, ҳозирча ҳеч бир ташкилот ҳужум учун масъулиятни ўз зиммасига олмади.

Аввалроқ Афғонистон шарқида портлаш юз бергани хабар қилинганди.