КХДР янги ракеталарни учиришга тайёргарлик кўраётгани аниқланди

Фото: ntv.ru

Жанубий Корея КХДР навбатдаги баллистик ракеталарни учиришга тайёргарлик кўраётганига алоқадор белгиларни топди.

Бу ҳақда «Рёнхап» хабар бермоқда.

Бундан ташқари, агентликнинг таъкидлашича, Жанубий Корея ва АҚШ ҳукумати Корея Республикаси ҳудудида авиаташувчи ва стратегик бомбардимончиларни эҳтимолий жойлаштирилиши бўйича маслаҳатлашувлар олиб бормоқда.

Аввалроқ Жанубий Корея КХДРни огоҳлантириб қўйганди.

3 сентябрь куни Шимолий Кореяда водород бомбаси яратилгани маълум қилинди.