ЕИ Brexit бўйича музокараларни тезлаштиришга тайёр

Фото: Reuters

Евроиттифоқнинг Brexit бўйича музокаралардаги координатори Мишель Барньенинг маълум қилишича, ЕИ Британиянинг ажралиб чиқиши бўйича музокараларни тезлаштиришга тайёр. Бу ҳақда «Интерфакс» хабар бермоқда.

«Мен музокараларни тезлаштиришга ва янада кўпайтиришга тайёрман», - деган Барнье.

Унинг таъкидлашича, «вақт жуда тез ўтмоқда» ҳамда томонлар Британиянинг ЕИдан чиқишига тайёргарлик кўриб олиши даркор. Бу салбий оқибатлардан қочиш мақсадида қилиниши керак.

Аввалроқ Буюк Британиянинг Евроиттифоқдан чиқиши (Brexit) асосий ички партиялар ўртасидаги тушунмовчиликлар туфайли ҳеч қачон амалга ошмаслиги ҳам мумкин экани хабар қилинганди.