Фото: Спорт Экспресс
Хитойнинг «Шангҳай Шенҳуа» клуби янги бош мураббийи Ву Цзинсу жамоа ҳужумчиси Карлос Тевес яқин вақтдаги учрашувларда иштирок этмаслигини маълум қилди.
«Тевес жисмоний жиҳатдан тайёр эмас. У керагидан ортиқча вазн тўплаб юборган. Бу ҳолатни Гуаринда ҳам кузатиш мумкин.
Жамоа ва футболчилар учун масъулиятни ўзим зиммамга олганман. Агар сен ўйнай олмайдиган даражада бўлсанг, учрашув қайдномасига киритилишга ҳаққинг йўқ», – дея мураббийнинг сўзларини келтиради Sky Sports.
Эслатиб ўтамиз, 33 ёшли Тевес дунёнинг энг кўп маош оладиган футболчиси саналади.
