Испания чемпионатининг 6-турида «Атлетико» янги стадионида «Севилья»ни қабул қилди.
Мезбонларнинг икки ҳужумчиси Янник Феррейра-Карраско ва Антуан Гризманн томонидан киритилган икки гол мадридликларга муҳим уч очкони келтирди. Натижада кетма-кет учинчи ғалабани қўлга киритган «матрасчилар» «Севилья»нинг жорий мавсумдаги илк мағлубиятига сабабчи бўлди.
«Атлетико» (14 очко) ушбу ғалабадан кейин турнир жадвалида «Севилья»ни (13 очко) ортда қолдириб иккинчи ўринга кўтарилиб олди.
Испания Ла-лигаси, 6-тур
Атлетико - Севилья 2:0 (0:0)
Голлар: Феррейра Карраско (46), Гризманн (69).
