Қўшимча функционаллар
-
Тунги кўриниш
Испания суди Каталонияга мустақиллигини эълон қилиш имконини тақиқлаб қўйди
Фото: Yves Herman/Reuters
Испания конституциявий суди Каталония парламентининг 9 октябрга белгиланган йиғилиши ўтказилишини музлатиб қўйди. Бу йиғилишда мухторият мустақиллиги эълон қилиниши мумкин эди, деб хабар бермоқда El Pais нашри.
Йиғилишнинг қонунга хилоф эканлиги бўйича шикоятни судга Каталония социалистик партияси берган.
Партия фикрича, каталонияликларнинг ҳаракати Испания конституцияси бузилиши ҳисобланади, чунки улар суднинг референдум ўтказилиши ноқонунийлиги ҳақидаги илк қарорини бузишган.
Шикоятнинг кўриб чиқиш учун қабул қилиниши ҳозирча йиғилиш қонуний асосда ўтказила олмаслигини англатади.
Аввалроқ Испания бош вазири Мариано Рахой Каталония ҳукумати мухториятнинг мустақиллиги режасидан воз кечиши кераклигини айтган.
Каталония женералитати (ҳукумати) бошлиғи Карлес Пучдемон эса Каталония яқин кунларда мустақиллигини эълон қилишини айтган.
Мавзуга оид
09:22 / 10.12.2025
Испанияда РФдан қочган учувчини ўлдириш иши бўйича тергов вақтинча тўхтатилди
13:24 / 01.12.2025
Мадридда Педро Санчесга қарши ўн минглаб киши норозиликка чиқди
10:19 / 24.11.2025
Ўзбекистон ва Испания зайтунчиликда ҳамкорликни кучайтиради
08:19 / 19.11.2025