Қўшимча функционаллар
-
Тунги кўриниш
Reuters: Европа Иттифоқи Мьянмага қарши санкциялар киритиши мумкин
Фото: EPA-EFE/ABIR ABDULLAH
Европа Иттифоқи Мьянманинг Аракан штатидаги ихтилоф сабабли бу давлатга қарши санкциялар киритиши мумкин. Бу штатда мьянмалик ҳарбийлар роҳингя мусулмонларига қарши операция ўтказмоқда. Шу сабабли минглаб мусулмонлар ўз юртларини тарк этишга мажбур бўлмоқдалар.
Бу ҳақда ҳозир Европа Иттифоқи давлатлари вакиллари муҳокама қилаётган, Мьянмага қарши чоралар хусусидаги ҳужжатга иқтибос келтирган ҳолда Reuters ахборот агентлиги маълум қилди. Ушбу ҳужжат ЕИ давлатлари ташқи ишлар вазирларига маъқуллаш учун тақдим қилинади.
ЕИ дастлабки санкция сифатида Мьянма қуролли кучлари қўмондонлик таркиби вакилларининг Европа Иттифоқига келиш таклифини бекор қилиши мумкин. Ҳужжатда таъкидланишича, ЕИ қўшимча чоралар ҳам кўриши мумкин.
"Бироқ ЕИ Мьянма томондан ижобий қадамлар амалга оширилса, тегишли равишда жавоб беришга тайёр", дейилган ҳужжатда.
Европа Иттифоқи ва АҚШ Мьянмани кучишлатар операцияни тўхтатишга чақирмоқда.
Мавзуга оид
20:00 / 19.12.2025
Брюсселни «эгаллаган» тракторлар: Европа фермерлари нимадан норози?
09:47 / 19.12.2025
ЕИ Украина учун пул топди, лекин бу Россия активлари эмас
23:37 / 17.12.2025
Ўзбекистон Европа Иттифоқи билан виза тартибини соддалаштириш бўйича музокара ўтказди
13:29 / 12.12.2025