БМТ: 13 млн суриялик гуманитар ёрдамга эҳтиёж сезмоқда

Фото:aa.com.tr

Сурияда 13 млн киши гуманитар ёрдамга эҳтиёж сезмоқда, деб маълум қилди БМТнинг гуманитар ёрдам координатори Панос Моумцис Истанбулдаги Marriott Hotel Sisli меҳмонхонасида ўтган матбуот-анжуманда.

Координаторнинг айтишича, унинг Туркияга келишидан мақсад 2018 йилда Сурияга гуманитар ёрдамни етказишни режалаштиришдан иборат.

"Олдинда қиш ва биз Туркияга Сурияга гуманитар ёрдам етказишни муҳокама қилгани келдик. Биз Сурияда ва бошқа минтақалардаги барча кучларни гуманитар ёрдамни сиёсий қуролга айлантирмасликка, уни сиёсий дастак сифатида қўлламасликка чақирамиз", деб айтди Моумцис.

Моумциснинг айтишича, Сурияда 2,9 млн киши шошилинч гуманитар ёрдамга муҳтож, 400 мингга яқин одам қамал қилинган туманларда ёрдам кутмоқда.

Тайёрлаган: Шуҳрат Раҳимов

#Сурия #гуманитар ёрдам