Сомали пойтахти Могадишода содир этилган теракт оқибатида ҳалок бўлганлар сони 40 нафарга етди, яна бир неча киши жароҳат олган. Бу ҳақда "Синьхуа" ахборот агентлиги хабар бермоқда.
Аввалроқ портловчи модда билан тўлдирилган юк машинасининг шаҳарнинг гавжум кўчаларидан бирида портлатилиши оқибатида 20 киши ҳалок бўлгани, 15 киши яралангани маълум қилинганди.
Теракт гувоҳларидан бирининг маълум қилишича, портлаш Safari менҳмонхонаси олдида содир этилган, ҳалок бўлган қурбонларнинг аксарияти оддий фуқаролар бўлган.
Бундан ташқари, полициянинг маълум қилишича, воқеа юз берган туманда яна битта портлаш содир этилган ва у ҳеч қандай қурбонларга олиб келмаган. Шунингдек, полиция портловчи моддалар топилган автомобиль ҳайдовчисини қўлга олишга муваффақ бўлган.
