Аввал хабар берганимиздек, 11 октябрь куни «Uzagro» бренди остидаги авиамаҳсулотларнинг биринчи партияси «Ўзагроэкспорт»нинг Москва шаҳридаги савдо уйи манзилига жўнатилган эди. Ўн турдан ортиқ сархил ва қуритилган мевалар, шунингдек 40 тонна узум чартер рейс орқали Россияга етказилди.
22 октябрь куни эса холдинг компанияси томонидан белгиланган режа асосида 40 тонна ерёнғоқ самолётга юкланиб, Россияга жўнатилди.
Мева-сабзавот маҳсулотларини авиатранспорт орқали ташиш Россия бозоридаги харидорларга юқори сифатли сархил, экологик тоза маҳсулотни сотиб олиш имконини беради. Шунингдек, ўзбек мева сабзавотларига талаб борган сари ошиб бораётганлигини алоҳида қайд этиш лозим.
Маҳсулотлар Россиянинг энг йирик Х5, Магнит, Холидей, Мария-Ра каби савдо тармоқларига етказилади.
«Ўзбекозиқовқатхолдинг» ХК вакилларининг маълум қилишича, «сархил мева-сабзавот рейслари» ҳар ҳафта доимий равишда амалга ошириб борилади.
