Каталония етакчиси баёнот берди

Фото: Reuters

Мадрид фармони билан ўз лавозимидан четлатилган Каталония етакчиси Карлес Пучдемон Испаниянинг мухторият мақомини олиб қўйиш ҳамда Каталонияни тўғридан тўғри бошқарув остига ўтказиш бўйича қарорига қарши «демократик кураш» ҳақида маълум қилди. Бу ҳақда Reuters хабар бермоқда.

«Аниқки, бизнинг ютуқларимизни ҳимоя қилишнинг энг яхши шаклига демократик мухолифат, Испания конституциясининг 155-моддасига қарши кураш айланади», - дея таъкидлаб ўтди у.

Пучдемоннинг қўшимча қилишича, улар Каталония ҳукумати ва парламентидаги ўз лавозимларида ишлашни давом эттириш ниятида. Бу Мадриднинг фармонига зид равишда рўй беради.

Шу билан бирга, Каталония етакчиси улар «куч қўллашга сабаб бўлишни хоҳламасликлари»ни қўшимча қилган.

Тайёрлаган Отабек Матназаров

#Испания #Каталония

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.