Дутерте: "кимдир" Ким Чен Инни музокаралар ўтказишга кўндириши керак

Фото: Reuters

Филиппин президенти Родриго Дутертенинг баёнот беришича, "кимдир" КХДР етакчиси Ким Чен Ин билан суҳбатлашиб, уни музокаралар столига ўтиришга кўндириши лозим. Бу ҳақда GMA News портали хабар бермоқда.

"Барча давлат раҳбарлари уни хавфли инсон демоқда. Эсдан чиқармаслик керакки, у ўз халқининг етакчиси. У ўзини ким деб эълон қилмасин, у билан кимдир гаплашиб кўриши керак. Америка, Япония, Ж.Корея Ким Чен Ин билан мулоқот қилиб, уни музокаралар даврасига ўтиришга кўндирса яхши бўларди", — деган Дутерте Японияга ташрифи арафасида.

Филиппин президентининг Японияга сафари 31 октябрга қадар давом этади. Бу Дутертенинг ушбу мамлакатга амалга ошираётган иккинчи ташрифидир.