Қозоғистонда 70 ёшли ҳайдовчи сабаб ўзбекистонлик ҳалок бўлди

Қозоғистоннинг Атирау шаҳрида якшанба куни кечқурун йўл-транспорт ҳодисаси содир бўлди, унинг натижасида Ўзбекистоннинг 56 ёшли фуқароси ҳалок бўлди, деб хабар бермоқда «Казинфом».

«Ўлим билан якун топган ЙТҲ Атирау-Доссор трассасида, «Контейнерний» шаҳар кичик тумани яқинида юз берган. Пиёдани 70 ёшли ҳайдовчи уриб кетган, у Геолог посёлкасида яшайди ҳамда «Газель» машинасини бошқарган.

Айни дамда қатор экспертизалар белгиланди, судга қадар тергов ишлари бошланди», - дея хабар беришган Атирау вилояти Ички ишлар департаменти ахборот хизматидан.