АҚШ Президенти Дональд Трамп Филиппин пойтахти Манилага келди. Бу ҳақда AP хабар тарқатди.
Қайд этилишича, у Жануби-шарқий Осиё давлатлари ассоциацияси (ASEAN) саммитида иштирок этади. Трамп Филиппин президенти Родриго Дутерте билан ҳам учрашишни режалаштирган.
Дутерте Трампни муҳим меҳмон каби қабул қилишга ваъда берганди. 11 ноябрь куни Оқ уй раҳбари Филиппин президенти билан Вьеьтнамдаги ОТИҲ саммити вақтида илк марта кўришгани ҳақида маълум қилганди.
Бундан аввалроқ Трамп ташрифи арафасида Манилада намойишлар бошлангани, полиция намойиш иштирокчиларини куч билан тарқатаётгани ҳақида хабар берилганди.
