Польшалик миллатчилар Варшава марказида мустақиллик кунига бағишланган мустақиллик марши ўтказишди. Иштирокчилардан кўпи марш вақтида файерлар ёқишган. Марш “Биз Тангрини истаймиз” шиори остида ўтган. Миллатчилар буюк католик Польша яратилишини қўллаб-қувватлаганлар.
Польшада мустақиллик куни 1918 йилда эълон қилинган ва 11 ноябрда ўтказилади.
Анъанавий равишда бу кун марафонлар ва кўплаб намойишлар ўтади. Бу намойишлар вақтида полиция ва намойишчилар ўртасида тўқнашувлар юз бериб туради. Мисол учун, 2013 йилда марш Россия элчихонаси олдидан ўтаётганда, намойишчилар элчихона олдидаги полиция будкасини ёқиб юборишган, панжараларга эса “Коммунистлар йўқолинг”, “Зўравонларнинг қизил армияси” ёзувлари бўлган транспарантлар илиб қўйишган. Ўшанда Польша ташқи ишлар вазирлиги намойишчиларнинг қилмишларини қоралаб, элчихона олдидаги тартибсизликлар учун Россиядан узр сўраган.
