14 йилда илк марта. Moody's Ҳиндистон рейтингини оширди

Moody's халқаро рейтинг агентлиги Ҳиндистоннинг суверен рейтингларини 2004 йилдан бери илк бора оширди. Бу ҳақда Bloomberg агентлиги хабар бермоқда.

Аниқлик киритилишича, Ҳиндистон агентлик рейтингида инвестиция даражасининг охирги поғонаси - «Baa3» дан «Baa2» га кўтарилган.

Moody's экспертларининг тушунтиришича, Ҳиндистон рейтинглари ошиши мамлакат ҳукуматининг муваффақиятли ислоҳотлари ва Ҳиндистонда иқтисодиёт ўсишининг юқори суръатлари билан боғлиқдир.