Донбассдаги можаро қачон кескинлашиши мумкинлиги айтилди

Фото: Getty Images

Европада хавфсизлик ва ҳамкорлик ташкилотининг Украина бўйича махсус мониторинг миссияси раҳбарининг биринчи ўринбосари Александр Хугнинг маълум қилишича, Донбассдаги можаро об-ҳаво ҳарорати совиб бориши билан янада кескинлашади.

«Ер музлаб қолганида, афсуски, оғир қурол-яроғларни бир жойдан бошқасига олиб ўтиш янада енгиллашади», - дея Хугнинг сўзларини келтиради Deutsche Welle.

Унинг хабар қилишича, сўнгги ҳафталарда Донбассда ўт очишни тўхтатиш режимининг доимий бузилиши ҳолатлари кузатилмоқда.