Шаҳобиддин Зоиров янги вазнда Ўзбекистон чемпиони бўлди

Термизда ўтаётган бокс бўйича катталар ўртасида Ўзбекистон чемпионатининг дастлабки чемпионлари аниқланди.

49 кг.гача бўлган вазнда Тошкент вилоятидан келган боксчи Худойназар Файзов бухоролик Мироншоҳ Иброҳимов устидан ғолиб чиқди — 3:2. Бронза медаллар ярим финалчилар — Нодиржон Мирзааҳмедов (Тошкент ш.) ва Аброрбек Абдусаломов (Андижон) га берилди.

52 кг.гача бўлган вазнли боксчилар финалида фарғоналик Абдулло Қўчқоров кескин кечган жангда андижонлик Ҳасанбой Латифохунов устидан ғолиб чиқди — 3:2. Бронза медаллар ярим финалчилар — Асадбек Маликов (Тошкент в.) ҳамда Шаҳриёр Исоқов (Андижон) га топширилди.

56 кг.гача бўлган вазнли боксчилар финалида 52 кг. вазнда Рио олимпиадаси чемпиони Шаҳобиддин Зоиров тошкентлик Абдулҳай Шораҳматовга мутлақо имконият қолдирмади — 5:0. Бронза медаллар фарғоналик боксчилар — Миразизбек Мирзахалилов ва Аброржон Қодировга насиб этди.

Қолган вазнларда ҳам финал жанглари давом этмоқда.