Давлат хизматлари агентлигига янги раҳбар тайинланди

Ўзбекистон Республикаси Адлия вазирлиги ҳузуридаги Давлат хизматлари агентлиги директори лавозимига янги раҳбар тайинланди.

Адлия вазирлиги матбуот хизмати хабарига кўра, Ўзбекистон Республикаси Президентининг 2017 йил 12 декабрдаги қарори билан Халилилло Собиржонович Тўрахўжаев ушбу лавозимни эгаллаган.

Халилилло Тўрахўжаев мазкур лавозимга тайинланишидан олдин Ўзбекистон Республикаси Президенти девонининг фуқаролар ҳуқуқларини ҳимоя қилиш, жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизмати бўйича Давлат маслаҳатчисининг биринчи ўринбосари лавозимида ишлаган.