Ravon машиналари Санкт-Петербургда ишлаб чиқарилиши мумкин

“GM-Uzbekistan” АЖ вакиллари General Motors’нинг Санкт-Петербургдаги консервация қилиб қўйилган цехларида Ravon бренди остидаги машиналарни ишлаб чиқариш бўйича АҚШ компанияси билан музокаралар олиб бормоқда.

Ушбу ишлаб чиқариш майдонлари анча катта салоҳиятга эга. Корхона йилига 100 мингта машина ишлаб чиқаришга мўлжалланган. 

Аввал маълум қилингандек, Россияда жорий йилнинг 11 ойида Ravon брендидаги машиналардан 12 978 та сотилган. Компания режасида бу кўрсаткични йил охиригача 15 мингтага етказиш бор.

Россия бозорида бренднинг қуйидаги моделлари таклиф қилинади: Gentra, Nexia, R4 ва R2.