Фото: O’zLiDeP
Барчага яхши маълум-ки, 24 декабрь куни Тошкент шаҳар халқ депутатлари туман Кенгашларига сайлов бўлиб ўтади. Тадбиркорлар ва ишбилармонлар ҳаракати – Ўзбекистон Либерал-демократик партияси ҳам ана шу сайловларда иштирок этади. Шу муносабат билан партиянинг бир гуруҳ фаол аъзолари пойтахт кўчаларида тарғибот-ташвиқот ишларини олиб бормоқда. Бу ҳақда партия Ахборот хизмати маълум қилган.
Тарғиботчилар партия байроғи ва шиорлари ёзилган баннерларни пойтахтнинг барча кўчалари ва маҳаллаларидан олиб ўтишган. Овоз кучайтиргич орқали “Тадбиркорлар ва ишбилармонлар ҳаракати – Ўзбекистон Либерал-демократик партияси номзодларига овоз беринг”, деган шиор билан фуқаролар тарғиб этилган.
